«Aloe!»
መዓር-ሽኮር ኣገዳ፡ እንተዘይህልዉ ነይሮም
ዕረ ኣይምጣዓመን ምረትካ
ብሳላኦም! መቀርካ ጠዓምካ ፈሺልካ
ኣይመለለናዮን ነይርና፡ እቲ ናትካ ጣዕሚ
ጸዕዳ-ሕብሪ እንተትቅይር፡ ምመሰልካ ጠስሚ
ሕብሪታት እንተትቅይር፡ ነይርካ’ውን ከም ነፋሒቶ
ጣዕሚኻ ጠቕሊሉ ንዂሉ፡ ነይሩ ምስ በሓቶ
ካብ ዕረ-ዝመረረ ምባል፡ መቛረጸ’ዚ ኣዳም
ንሽኮር ከናዲ፡ ኣይምበለን ዳም-ዳም
ኣርሒቊ ክጓዓዝ፡ ብሃተምተም ክደሊ ሽኮር
ዕረ ተቐይሩ ጣዕሚኻ፡ እንተዝኸውን መዓር
ኣይምበልኲን ፍቐዶኡ፡ ዕንቅፍ-ድርግፍ ኛር።
Fan of my work...?
Show your love by supporting my work and the language of Tigrinya